للأعمار (من 11 إلى 14 سنة)

*  مدة الورشة: 3 اسابيع (٦ لقاءات)، بواقع لقائين في الاسبوع

مكان المجموعة: أونلاين (عبر برنامج زووم)

معظمنا بيقضي وقت كبير زهقان في البيت.

فيه اللي عنده أسئلة محيراه وفيه اللي أفكارة متلخبطة.

فيه اللي مش قابلة شكلها وعايزة تخس، وفيه اللي مشغولة بشكلها وبتاخد صور طول اليوم.

فيه اللي ما صدق يبقى لوحده لأنه مش بيحب الزحمة والناس، وفيه اللي زهق وخلاص هيطأ من الهدوء والوحدة.

كلنا مرينا أو بنمر بحاجة من دول، علشان كده بنشجعك تحضر معانا

* في الورشة دى هنعمل إيه؟

1- لقاء تفاعلي:

هنعرف فيه معلومات عن أفكارنا ومشاعرنا واحتياجاتنا وعلاقتنا بنفسنا وعلاقاتنا بأصحابنا وبالناس، وإزاي نقدر نغير من نفسنا للأفضل، ونتعامل مع مشاعرنا المتلخبطة.

2- أنشطة (هنلعب ونرسم ونسمع اغاني، ونتفرج على فيديوهات)

3- هنحكي ونتناقش وهنعبر عن نفسنا فيها بكل حرية، هنتكلم.. هنتكلم.. وهنتكلم.

قالوا عن ورشة بص جواك Zoom in

• كنت عصبي قوي .. واتعلمت ازاي اتعامل مع عصبيتي اللي ممكن تخليني أخسر أصحابي والعلاقات المهمة ليا.
• فرق معايا دروس: صورتي و مشاعري وأفكاري، وفهمت شخصيتي أكتر واتعلمت ازاي أعبر عن مشاعري.
• اتعلمت إني لما أتعصب إزاي ممكن أهدي نفسي، وإني ماقدرش أغير الشخص اللي قدامي، لكن أنا اللي ممكن أتغير للأحسن
• اتعلمت ازاي أفرق ما بين الأفكار الصح والأفكار الغلط، وازاي أقدر أعبر عن مشاعري بطريقة صح وانا اللي أسوقها مش هي اللي تسوقني
• فرق جدا معايا درس الاحتياجات النفسية و درس القبول والتغيير وأخدت قرارات هتساعدني في بناء شخصيتي للأحسن
• قررت إني أشوف الاحتياجات النفسية اللي ناقصاني وأشبعها بطريقة صحية، وقررت أقبل مشاعري وماسمحش لحد انه يقلل منها، وقررت إني أخد بالي من مسئولياتي وأعملها بشكل أحسن.
• اتعلمت اني أقبل مشاعري زي ما هي، واتعلمت عن ازاي صورتي الذاتية بتتكون، وقررت أصحح طرق تفكيري الغلط, ادركت حاجات كتير عيني مكانتش عليها، فهمت نفسي اكتر، بقيت اركز اكتر في حياتي والمواقف الي بتحصل.